মুখ্য পৃষ্ঠা
06/04/25
14:29
"মেটেকা ফুলৰ দৰে"
স্তদ্ধ হ'ল বুকুৰ স্পন্দণ
সোঁৱৰণীৰ বাটত এতিয়া বিচাৰো
এৰি অহা খোজৰ ছবি
য'ত আছিল জিয়াই থকাৰ প্ৰতিশ্ৰুতি |
সপোন আহে , ৰৈ যায় ভগ্ন প্ৰাচীৰ |
পাহাৰ বগাই নামি অহা সূৰুযে
চিনাকি দিয়ে তাৰেই স্মৃতি বুলি |
আকোলতাত মুগ্ধ হয় তিৰবিৰ জোনাকী
কুঁৱলী ফালি পৰেহি চোতালত
এটি-এটি জীয়াই থকাৰ প্ৰস্তুতি |
মেটেকা ফুলৰ দৰে ফুলে দিবাস্বপ্ন
ৰূপুৱালী হৈ হৃদয় পুখুৰিত |
জ্বলি গ'ল ভালপোৱাৰ এখন ছবি
পাহৰনিৰ গৰ্ভত হেৰাল জীৱন্ত
প্ৰতিশ্ৰুতি
অৰ্থত হেৰাল সুখৰ দিনলিপি
দুৰ্ভাগ্যই নিমন্ত্ৰণ দিলে
এটি নিটুল আঁউসিৰ ৰাতি |
দুখৰ কালিমাত বৈ যায় চকুলো
দুগাল তিয়াই বেদনাৰ ৰহন সানি |
© ৰাজু কলিতা
12/06/14
